Ráðstefna: Stærðin skiptir ekki máli

Markaðsstofa Hafnarfjarðar stendur fyrir ráðstefnu í Bæjarbíói þann 13. nóvember næstkomandi. Ber hún yfirskriftina „Stærðin skiptir ekki máli“ og er markmiðið að sýna fram á að öll fyrirtæki geti náð árangri í markaðsstarfi - óháð stærð og efnahagslegum styrk.

‍

‍

Í því mikla samkeppnisumhverfi sem við búum við í dag, þar sem snertifletir við viðskiptavini verða æ fleiri, velta margir fyrir sér hvort stærð fyrirtækja skipti máli þegar kemur að því að ná árangri í markaðsstarfi og í samkeppni á markaði.

‍

Á ráðstefnunni verður sjónum beint að því að stærra er ekki endilega alltaf betra og sýnt verður fram á að öll fyrirtæki geta náð árangri í markaðsstarfi með réttum markaðsaðgerðum.

‍

Valinkunnir fyrirlesarar deila reynslu sinni og hugleiðingum þar á meðal Gréta María, framkvæmdarstjóri Prís, Hjördís Elsa markaðsstjóri Indó, Gerður eigandi Blush og Sigurður Már, stafrænn sérfræðingur og meðstofnandi Arcade. 

‍

Nánari upplýsingar um ráðstefnuna má finna hér. 

‍