Hátíð í markaðsbæ
Föstudaginn 7. mars næstkomandi fer fram stærsti markaðsviðburður ársins og þar ætti engin markaðsmanneskja að láta sig vanta.
Fyrri hluta dags er ÍMARK-dagurinn, ráðstefna um markaðsmál og í kjölfarið hefst verðlaunhátíð Lúðursins.
Á ráðstefnunni munu þrír fyrirlesarar halda áhugaverð erindi um markaðsmálefni líðandi stundar, ásamt því að auglýsingastofa og vörumerki ársins verða tilkynnt en Maskína stendur fyrir þeirri könnun.
Lúðurinn
Lúðurinn er hvað þekktasti hluti hátíðarinnar, en þar fá viðurkenningu þau verkefni sem þykja byggja á frumlegum, skapandi og snjöllum hugmyndum ásamt því að hafa verið útfærð á framúrskarandi hátt.
Áran
Einnig verða tilkynnt úrslit Árunnar, en þeim verðlaunum er ætlað að beina sjónum að herferðum sem skilað hafa framúrskarandi árangri.
Tilnefningar til Lúðursins má finna hér.
Dagskrá ásamt miðsölu á viðburðinn má finna hér.
