Nýsköpunarþing: Er rétt fyrir íslensk fyrirtæki að flagga íslenskum uppruna?

Íslandsstofa, Hugverkastofan, Rannís og Nýsköpunarsjóður atvinnulífsins bjóða til Nýsköpunarþings 2024 sem haldið verður í Grósku 22. október kl. 14.00 - 15.30.  

Á þinginu verður sjónum beint að sölu- og markaðsmálum íslenskrar nýsköpunar á erlendum mörkuðum.

‍

Hvað þarf til að ná árangri á alþjóðlegum mörkuðum?

Er rétt fyrir íslensk fyrirtæki að flagga íslenskum uppruna? Leggja íslensk fyrirtæki næga áherslu á sölu- og markaðsmál og uppbyggingu vörumerkja?

‍

Til að svara þessum spurningum og fleirum munu aðilar úr íslensku og alþjóðlegu markaðs- og nýsköpunarumhverfi deila reynslu af sölu- og markaðsstarfi á erlendum mörkuðum.

‍

Aðalfyrirlesarar verða Fura Ösp Jóhannesdóttir, ráðgjafi og nýkjörinn stjórnarformaður auglýsingastofunnar Brandenburg og Bolli Thoroddsen, meðstofnandi Trip to Japan. Nánari dagskrá verður birt innan skamms.

‍

Í lok þingsins mun Áslaug Arna Sigurbjörnsdóttir, háskóla-, iðnaðar- og nýsköpunarráðherra, veita Nýsköpunarverðlaun Íslands 2024.
‍

Fundarstjóri: Sigríður Dögg Guðmundsdóttir, forstöðumaður útflutnings og fjárfestinga hjá Íslandsstofu.

‍

Á þinginu verða Nýsköpunarverðlaun Íslands 2024 einnig afhent.

Nánari dagskrá verður kynnt innan skamms.

‍
Skráning á Nýsköpunarþing fer fram hér

‍